பேரம்

நீரின் மேலெழுந்து

பெருமீனாய் குதிப்பதற்குள்
உன் கிரணத்தின் சுடர்நீராடல்
கண்ட கணம்
நீரின் கடும் ஆழம்‌ நோக்கி
இழுத்துச்செல்லப்படுகிறேன்

ஒரு மலர் கண் விழித்து
கனிந்து நோக்கும்‌போது
மும்முரமமாய் அதன் மூடிய கண்களை
வரைந்துகொண்டிருக்கிறேன்

சொல்லை அருந்தியானபின்

மௌனம்‌ திரண்டு நிற்கும்
கோப்பையை
கைவிடுகிறேன்

சுட்டும்‌ திசையைவிட்டு
சுட்டும் விரலை எட்டிப்பிடிக்கிறேன்

வனத்தின் ஆழம் தவிர்த்து
ஆழம்‌ சுட்டும் அத்தனை சாதனங்களையும்
திரட்டி வருகிறேன்

சேர்த்த காசுகளை எண்ணிக்கொண்டு
பெருலாபத்தின் கனவுகளுடன்
வணிகனாய்
என் பேரங்களை துவங்கிவிட்டிருக்கிறேன்