திங்கள், 9 ஜூன், 2025

சுடரின் நா நுனி
வெளியை
சுவைக்கிறது
வெளியின் நுனி விரல்
சுடரை‌ அலைக்கிறது
மனிதர்கள் பிராத்திக்கிறார்கள்
தம் தம் சுடரிடம்
சூரியனை ஏற்றிச்‌சென்ற
கரம் எதைப் பிராத்தனை செய்தது
எது அருள
பெருகிற்று இப்பெருக்கு
நேரம் கருத்துகள் இல்லை:

துளித் துளியாய்

ஷட்டர்கள் தடதடவென
திறக்கப்படுகின்றன
ஒன்றாய் இரண்டாய் இருந்த
மனிதர்
பெருக்காய் பெருகத்துவங்கிவிட்டனர்
சூரியன் உரைப்பாய் விழுகிறது
சிக்னலில் முன் நிற்கும்
வண்டியில் வெப்பம் ஒளிர்கிறது
சற்றுக்கெல்லாம்
கானல் எழுந்துவிடும்
புகையாய் காற்று நெளியத் துவங்கும்
காலூன்றவும் நேரமில்லா
இப்படியான ஒரு நாளில்
தன் அறைக்குள்
மழைக்கால கானகம் ஒன்றை
வரைகிறான்
ஒரு அவசரமுமின்றி
துளித் துளியாய்
நேரம் கருத்துகள் இல்லை:
இதற்கு குழுசேர்: இடுகைகள் (Atom)

பெரும் சதுப்பு அசைவறுத்த முதலை அசைவில்லாத பறவை அசைவற்ற நீரில் மிதக்கும் அசைவேதுமற்ற சிறு பூச்சி சதுப்பின் ரீங்காரம் ஊன்றிய கால் வழி ...

  • காலத்தை அழிப்பது
      சுந்துவுக்கு தலையில் அடி ஆட்டோவைக்கூப்பிடு ஆஸ்பத்திரிக்கு ஓடு தையலைப்போடு அழுது கணத்த முகத்துடன் ஒரு தூக்கத்தைப்போடு பின் முழித்துக...
  • இருளாழத்தின் ஒளி
    படைப்பாக மலர்பவை யாவும் உணர்வுகளே. ஏதோ ஒரு உணர்வே ஒரு படைப்பின் மையம்.  அதீத உணர்வு என்றால் மேலும் பொருந்தும். தட்டையான இயல்பு மீறாத ஒரு...
  • (தலைப்பு இல்லை)
    உடலெல்லாம் காதல் வழிந்துக் கிடக்கிறது சில கதவுகளை திறந்துவிட்டிருக்கிறேன் அத்தனை களைப்பையும் நிரப்பி ஒரு புட்டிலை உடைத்து வீசினேன் எங...