பெருங்கானகத்தின்
ஒரு விருட்சம்முன் நிற்கிறேன்
எப்படிச் செய்தாய்
இத்தனை வளைவுகளை
வானம் வெகு தூரம் இருப்பினும்
எங்ஙனம் தொட நீண்ட கைகளுடன்
முழு ஆசுவாசம் கொண்டது?
ஆழத்து வேர் நுனி
மண்ணை சுவாசிக்கிறதா?
தினம் வானேகும் புள்
எதைக் கொணர்கிறது?
இதோ இக்கணமும்
நான் எனதென்று
தனிப்பட்டுப்போகிறேன்
வண்டினம் சேரா
புள் கீச்சரவமில்லா
என் விருட்சமொன்று.
மண்டியிடுகிறேன்
உடல் சுவர்
விழுந்துவிட்டால்
என் விருட்சம் உன் காடாகுமல்லவா?
.jpeg)
கருத்துகள் இல்லை:
கருத்துரையிடுக