அன்பின் பொருட்டு

கூத்தாடி அலைவதும்
கூடிச் சிரிப்பதும்
தோள் பற்றி அழுவதும்
கண்ணீருடன் கரம் விடுப்பதும்
மற்றவர் நினைவில் உழல்வதும்
தேடி தூரங்கள் செல்வதும்
பரிசுகள் பகிர்வதும்
முத்தங்களில் திளைப்பதும்
ஊடலின் எல்லை சோதிப்பதும்
கரம் குலுக்கிப் பிரிவதும்
காலத்தை வெறுப்பதும்
விதியை சபிப்பதும்
இறையை நினைப்பதும்
சிரிப்பதும்
அழுவதும்
காமுறுவதும்
சினப்பதும்
குமைவதும்
உழல்வதும்
கரைவதும்
திடமாவதும்
நெகிழ்வதும்
உடைதலும்
விழுதலும்
மீண்டெழுதலும்
நிறைவதும்
அழிவதும்
எல்லாம்
எல்லாம்
எல்லாம்