சனி, 24 அக்டோபர், 2026

கல்

உன்னிடம் சொல்வதற்கு
எதுவுமில்லை
கண்ணே
நீரின் மென்னலைவட்டம்போல்
விரிந்து கொண்டிருக்கும்
என் சிறுகாலங்களில்
அடைந்த தெளிவென்பது
ஏதுமில்லை
சொற்களுடன் சரசமாடும் மனதில்
கல்தோற்றம் கொண்ட சீலைகளாய்
சொற்பெருஞ்சுவரும்
அதில்
யாரோ தீட்டிவிடும் ஓவியங்களும்
என் வசமுண்டு
வலசைப்புள் கண்டு
மெய்கலங்கும் உயிராய்
சிறிது காலம் அது
உன்னை வைத்திருக்கக்கூடும்

ஆனால் 
உறுதியானதும்
மறுக்கமுடியாததும்
காலத்தை தாங்கி நிற்பதும்
காலத்தின் தயையால் வந்ததுமான
உன்னிடம் சொல்வதற்கு
நாம் உச்சாடனம் செய்வதற்கு
என்னிடம் உன்னிடம் 
இருப்பதுமான
உடல் உள்ளது

கல்லைக் கொடுக்கிறேன்
அதைப்பெருக்கிய நதியை
கண்டுகொள்
நேரம்

கருத்துகள் இல்லை:

கருத்துரையிடுக

இதற்கு குழுசேர்: கருத்துரைகளை இடு (Atom)

கல்

உன்னிடம் சொல்வதற்கு எதுவுமில்லை கண்ணே நீரின் மென்னலைவட்டம்போல் விரிந்து கொண்டிருக்கும் என் சிறுகாலங்களில் அடைந்த தெளிவென்பது ஏதுமில்ல...

  • நான் யார் - 23
    மெய் பொய்யெலாம் கழிந்து ஆனபின். ஏன் பொய்யும்கூட
  • இருளாழத்தின் ஒளி
    படைப்பாக மலர்பவை யாவும் உணர்வுகளே. ஏதோ ஒரு உணர்வே ஒரு படைப்பின் மையம்.  அதீத உணர்வு என்றால் மேலும் பொருந்தும். தட்டையான இயல்பு மீறாத ஒரு...
  • ஆதித்ய ஸ்ரீநிவாஸ் கவிதைகள் - ஒரு தொகுப்பு
     1 பெருவிருட்சம் அடர்ந்த இவ்வனாந்திரத் தனிமையில் இடறி விழ நழுவி மேலெல்லாம் நிலவு வழிந்து கிடக்கும் இப்பொழுதில் உன்னைப்பற்றியே நினைத்துக்கொண்...